Waxaan Kalsooni Ka Badan! – Amorim oo Shirkiisii Jaraa’id ugu Horeeyay Man Utd Dunida Ka Yaabsaday Iyo 3 Qodob oo Muhiim Ah
Ruben Amorim ayaa markii ugu horeysay ka horyimid saxaafada isagoo ah tababaraha Manchester United ka dib markii uu xilka kala wareegay Erik ten Hag.39-sano jirkaan ayaa u muuqday qof kalsooni badan isagoo dhoola cadeynaya ayuuna soo fariistay shirkiisa jaraa’id ee ugu horeeyay kooxda Manchester UnitedWaxaa wax laga weydiiyay Jose Mourinho, qaab ciyaareedkiisa iyo saameynta uu ku yeelan karo kooxda iyo waxyaabo kale.Axada, wuxuu soo muuqan doonaa kulankiisii ugu horeeyay ee Premier League iyadoo kooxdiisu ay wajaheyso Ipswich Town tababare Amorim.
Xaalada dhaawaca kooxda Man Utd?
Iyada oo wax badan lagu weydiiyay Amorim shirkiisa jaraa,id, ma jirin wax su’aalo ah oo ku saabsan ciyaartoyda dhaawacan ee kooxda Manchester United oo uu ka hadlay tababaraha reer Portugal.Kobbie Mainoo, Lisandro Martinez iyo Harry Maguire ayaa dhamaantood door ku yeelan kara kulanka Ipswich kadib markii ay kasoo laabteen dhaawacyo fudud.
Amorim waxaa wax la weydiiyay qorshihiisa Man Utd.?
Mid ka mid ah jawaabaha Amorim ee xiisaha badan ee uu bixyay ka dib markii la waydiiyay in qabashada Man United ay tahay mid ka mid ah shaqooyinka ugu adag, tababaraha cusub ayaa mujiyay kalsooni badan isagoo yiri waxaan leeyahay qorshe kaasoo ah inan ku guuleysto halkaan mudada aan ka shaqeynayo.
Kalsoonida Amorim iyo xiriirka Jose Mourinho?
Amorim ayaa shirkiisii jaraa’id ee ugu horeeyay ku muujiyay inuu yahay shaqsi dabacsan oo kalsooni leh.39-sano jirkaan ayaa la weydiiyay su’aalo badan oo ku saabsan ninka ay isku dalka yihiin ee Jose Mourinho, laakiin wuxuu carabka ku adkeeyo inuu yahay nin isaga u gaar ah oo uu ixtiraamo.“Waxaan ahay nin ka duwan isaga.” waa shaqsi aan la shaqeeyay wuxuu leeyahay waxyaabo badan oo aan la rumeysan karin “ayuu yiri Amorim
.
