Wareegga group-yada tartanka Champions League ee xilli-ciyaareedka ayaa badhtamaha maraya, waxaana la dheelayaa kulamadii saddexaad iyadoo min saddex kulan oo kale hadhsanaan doonaan.
Kooxda kubadda cagta Arsenal oo saddex dhibcood oo hore haysatay, balse usbuucii ugu dambeeyey ay kooxda reer France ee Lens kaga naxsatay guul lama-filaan ahayd, ayaa caawa kusoo laaban doonta garoomada, laakiin waxay gelayaan safar adag oo ay ugu tegaaan kooxda reer Spain ee Sevilla.
Arsenal oo muddo lix sannadood ah oo ay ka maqnayd tartanka Champions League dib ugu soo laabatay, laakiin ay muuqato in hadda ay tahay koox xooggan, ayaa waxa ay kasoo doogeen dhaawacyo ragaadiyey oo ay kaga maqnaayeen ciyaartii furitaanka ee PSV Eindhoven ee ay guusha kasoo gaadheen, taas oo ay seegeen Gabriel Martinelli iyo Thomas Partey.
23 ciyaartoy oo uu Mikel Arteta shaaciyey in uu ula safray garoonka Ramon Sanchez-Pizjuan Stadium oo ay ku sugayso Sevilla oo ay ku wada-jiraan Group B ayaa waxa ka maqan Jurrien Timber oo dhaawac muddo dheer u jiifaya, laakiin waxa usoo laabtay Aaron Ramsdale oo ciyaartii Chelsea kaga maqnaa xaaskiisa oo umushay.
Waxa kale oo Arsenal taam u ah oo safarka qayb ka noqday xiddigaha laf-dhabarta ah ee William Saliba, Ben White, Gabriel Magalhaes, Jakub Kiwior, Takehiro Tomiyasu iyo Oleksandr Zinchenko, halka Fabio Vieira oo lama-filaan ay ku noqotay taageereyaasha in aanu joogin kulankii Chelsea ayaa dib usoo noqday, halka xiddigaha safarka galay ay ka dhax-muuqdeen Partey, Martin Odegaard, Emile Smith Rowe, Jorginho, Havertz iyo Rice.
Difaacyahanno:Â Saliba, White, Gabriel, Kiwior, Tomiyasu, Zinchenko
Khadka Dhexe:Â Partey, Odegaard, Smith Rowe, Jorginho, Fabio Vieira, Elneny, Havertz, Rice
Weerarka:Â Saka, Gabriel Jesus, Martinelli, Nketiah, Trossard, Nelson