Boqolkiiba boqol waa rigoore’: Mikel Arteta ayaa ka xanaaqay ka dib markii madaxa laga feeray mid kamid ah xiddigihiisa.
Tababaraha Arsenal Mikel Arteta ayaa sheegay in guuldaradii 1-0 ee Inter Milan ka soo gaartay Champions League Khamiista ay ahayd ” wax aad iyo aad u adag in la aqbalo” ka dib laba go’aan rigoore ah oo ka dhan ah kooxdiisa.Goolka qura ee ciyaarta ayaa yimid wax yar ka hor qeybta nasashada ka dib markii Inter lagu abaal mariyay rigoore, markii laad xor ah oo xerada ganaaxa uu ka tuuray Mehdi Taremi uu ku dhuftay gacanta Mikel Merino, waxaana rigoorada gool u badalay Hakan Çalhanoglu.
Merino ayaa laga diiday racfaan uu isagu lahaa horaantii ciyaarta -ka dib markii uu eegay caawiyaha garsooraha muuqaalka feerka.
Arsenal ayaa si xoogan u riixday goolka barbaraha laakiin difaaca Inter ayaa ka biya diiday mowjadihii weerarada Arsenal.“Aad ayaan u xanaaqsanahay sababtoo ah waxaa jiray laba go’aan oo kadhan ahaa kooxdeyda taasoo sababtay natiijo aan la aqbali karin” Arteta ayaa yidhi.
