CiyaaroHORDHAC: Man City v Dortmund & Haaland Oo Ka Hor imaan Doono...

HORDHAC: Man City v Dortmund & Haaland Oo Ka Hor imaan Doono Kooxdiisii Hore.

Manchester City ayaa kulankeeda labaad ee Champions League xilli ciyaareedkan caawa soo dhawaynaysa dhigeeda ree Germany ee Borussia Dortmund.

Erling Haaland ayuu caawa Pep Guardiola u adeegsanayaa inuu kahor tago kooxdiisii hore ee uu xagaagii kala soo wareegay. Dortmund ayaa xilli ciyaareedkan difaac ahaan aad u fiicnayd marka laga reebo kulankii ay RB Leipzig 3-0 ku xasuuqday Sabtidii.

Wararka Labada Kooxood Ee Kulanka Kahor

Man City ayaa toddoba kulan oo ay xilli ciyaareedkan ka ciyaartay guuldarro la’aan ah, Guardiola ayaa haysta rekoodh ah inuu guuleysto markasta labada kulan ee ugu horreeya heerka Group-yada taas oo ka caawisa inuu si sahlan heerka xiga ugu gudbo.

City ayuu ka maqnaan doonaa daafaca midig ee Kyle Walker oo dhaawac kaga baxay kulankii ay barbardhaca 1-1 ah lasoo galeen Aston Villa.

Sidoo kale labada daafac dhexe ee John Stones iyo Aymeric Laporte ayaa qaatay tababaradii ugu dambeeyay balse kulankan ayaa deg-deg ku noqon kara.

Daafaca bidix ayaa la filayaa inuu saxeexa cusub ee Gomez kusoo bilawdo iyadoo Joao Cancelo midka midig u wareegayo xilli lagu wado in Bernardo Silva khadka dhexe kaga soo hormari doono Gundogan.

Dhinaca Dortmund tababare Edin Terzic ayaa ka werwesan taam ahaanshaha Thorgan Hazard, haddii uu soo gaadhi waayo kulankan ayuu Giovanni Reyna kusoo bilaaban doonaa bedelkiisa.

BVB ayay ka maqan yihiin xiddigaha kala ah Sebastian Haller, Mahmoud Dahoud, Mateu Morey, Gregor Kobel iyo Jamie Bynoe-Gittens.

Shaxaha Macquulka Ah Ee Labada Kooxood

Man City (4-3-3): Ederson; Cancelo, Akanji, Dias, Gomez; Silva, Rodri, De Bruyne; Mahrez, Haaland, Foden

Borussia Dortmund (4-2-3-1): Meyer; Meunier, Sule, Schlotterbeck, Guerreiro; Ozcan, Bellingham; Reyna, Reus, Brandt; Modeste

Xogta Kulanka

Tartanka: Champions League

Garoonka: Etihad Stadium

Wakhtiga: 10:00 habeenimo xilliga geeska Africa

Garsoore: Daniele Orsato (Italy)

LEAVE A REPLY

Please enter your comment!
Please enter your name here

Subscribe Today

GET EXCLUSIVE FULL ACCESS TO PREMIUM CONTENT

SUPPORT NONPROFIT JOURNALISM

EXPERT ANALYSIS OF AND EMERGING TRENDS IN CHILD WELFARE AND JUVENILE JUSTICE

TOPICAL VIDEO WEBINARS

Get unlimited access to our EXCLUSIVE Content and our archive of subscriber stories.

Exclusive content

- Advertisement -

Latest article

More article

- Advertisement -Newspaper WordPress Theme