Lionel Messi ayaa ka falceliyey guushii weyneyd ee Barcelona kulankii El Clasico.Barcelona ayaa bandhig awood leh muujisay ciyaartii ay Real Madrid kaga badisay 4-0 garoonka Santiago Bernabeu maalintii Sabtida.
Guushan weyn waxay Barcelona ka dhigeysaa iney lix dhibcood hogaanka horyaalka la liga ku heyso, taas oo xoojinaysa hoggaankooda isla markaana ka dhigtay xilli-ciyaareedkan mid aan la wiiqi karin.
Hadda, inkastoo Lionel Messi uu Camp Nou moogan yahay in ka badan saddex sano, xiriirka uu la leeyahay Barcelona weli waa mid aad u xoog badan.
Xiddiga reer Argentina ayaa si dhow ula socda safarka kooxda, isagoo taageeraya wakhtiyada noocan oo kale ah.Messi wuxuu ka falceliyey guusha Barcelona isagoo ku dhex-qoray bogga rasmiga ah ee kooxda ee Instagram-ka asaga oo u dabaaldegaya guusha.“Waa guul qurux badan!!” ayuu soo qoray.
Dhanka kale, guusha dhowaan ay gaartay Barcelona ayaa sidoo kale soo jiidatay halyeeygii hore ee Blaugrana, Neymar. Weeraryahanka reer Brazil oo haatan la jooga kooxda Al Hilal, ayaa taageeray Barcelona isagoo baraha bulshada ku muujiyay farxaddiisa guusha Barcelona.Neymar ayaa soo qoray faallo ah, “Visca Barca”.
Ruuxda halyeeyada Barcelona ayaa weli ah mid saameyn ku leh safarka kooxda, iyadoo Messi iyo Neymar ay si furan ugu dabaaldegayaan guusha kooxdii hore ee ay u soo ciyaareen.
