Tababaraha Arsenal, Mikel Arteta ayaa xaqiijiyay in xiddiga khadka dhexe ugu ciyaara kooxdiisa Declan Rice uusan tababar qaadan ka hor kulanka Premier League kooxdiisu la ciyaarayso Chelsea.Kooxda Arsenal ayaa garoonka Stamford Bridge ku wajihi doonta Chelsea kulan ka tirsan horyaalka Premier League axada.Rice, ayaa dhaawac cagta ka soo gaaray guuldaradii Arsenal ka soo gaartay Premier League Newcastle United isbuucii hore.Ciyaaryahanka heerka caalami ee dalka England ayaa seegay kulankii Champions League Arsenal ay guuldarada kala kulantay Inter Milan bartamihii isbuucan.
Isagoo hadlay kahor kulanka Arsenal iyo Chelsea, Arteta wuxuu ka yiri Rice:“Declan Rice weli ma tababaran, welina ma garanayno inuu diyaar u noqon doono kulanka Chelsea.”Hadalka Questa ah ee Arteta ayaa niyad jab weyn u ah jamaahiirta Arsenal oo aan guul arkin saddexdii kulan ee ugu dmabeysay Premier League.
